ចូលរួម Google Play Pass

នៅពេលអ្នកជាវ Play Pass អ្នកទទួលបានការផ្ដល់ជូនផ្ដាច់មុខនៅក្នុងហ្គេមកំពូលៗរៀងរាល់ខែ និងកាតាឡុកដាច់ដោយឡែកនៃកម្មវិធី និងហ្គេមជាង 1,000។ នៅក្នុងកាតាឡុកនេះ ការផ្សាយពាណិជ្ជកម្មទាំងអស់ត្រូវបានដកចេញ ហើយការ​ទិញ​ក្នុង​កម្មវិធី និងចំណងជើងគិតថ្លៃទាំងអស់ត្រូវបានដោះសោ។

កាតាឡុកនេះរួមបញ្ចូលហ្គេម និងកម្មវិធីជាង 1,000។ ហ្គេម និងកម្មវិធីគិតថ្លៃត្រូវបានរួមបញ្ចូលដោយមិនអស់ប្រាក់​បន្ថែម។ ការផ្សាយពាណិជ្ជកម្មត្រូវបានដកចេញ ហើយការទិញក្នុងកម្មវិធីត្រូវបានដោះសោសម្រាប់ហ្គេម និងកម្មវិធីទាំងអស់នៅក្នុងកាតាឡុក Play Pass។ អ្នកជាវអាចស្វែងរកហ្គេម និងកម្មវិធីទាំងនេះនៅក្នុងផ្នែក Play Pass នៃកម្មវិធី Play Store ឬរកមើលគ្រឿងសម្គាល់ Play Pass នៅលើចំណងជើងនៅក្នុង Google Play។

អ្នកជាវទទួលបានការផ្ដល់ជូនប្រចាំសប្ដាហ៍ក្នុងហ្គេមពេញនិយមមួយចំនួននៅក្រៅកាតាឡុក Play Pass។ ការផ្ដល់ជូនផ្ដាច់មុខទាំងនេះអាចជាការបញ្ចុះតម្លៃក្នុងហ្គេម ឬការផ្ដល់ជូនពិសេសលើវត្ថុជាក់លាក់​ក្នុងហ្គេម។ មិនមានការផ្ដល់ជូន ក្នុងអំឡុងការសាកល្បង ឬសម្រាប់ហ្គេមនៅក្នុងកាតាឡុក Play Pass ទេ។ ការផ្ដល់ជូនត្រូវតែប្ដូរយកតាមវិធីបង់ប្រាក់ដែលគិតថ្លៃតាម Google Play។

ប្រសិនបើអ្នកមានហ្គេម ឬកម្មវិធីណាមួយដែលត្រូវបានរួមបញ្ចូលនៅក្នុងកាតាឡុក Play Pass នោះការផ្សាយពាណិជ្ជកម្មទាំងអស់នឹងត្រូវបានដកចេញ ហើយការ​ទិញ​ក្នុង​កម្មវិធីទាំងអស់នឹងត្រូវបានដោះសោ។

តាមរយៈបណ្ណាល័យគ្រួសារ អ្នក​គ្រប់គ្រង​គ្រួសារអាចចែករំលែកសិទ្ធិចូលប្រើប្រាស់ Play Pass ជាមួយសមាជិកគ្រួសាររហូតដល់ 5 នាក់ដោយ​ឥត​គិត​ថ្លៃ។ សមាជិកគ្រួសារនឹងត្រូវបើកដំណើរការ Play Pass នៅលើគណនីរបស់ពួកគេ។ ការផ្ដល់ជូនប្រចាំខែ និងអត្ថប្រយោជន៍ផ្សេងទៀតមានផ្ដល់ជូនដល់អ្នក​គ្រប់គ្រង​គ្រួសារតែប៉ុណ្ណោះ។