ເຂົ້າຮ່ວມ Google Play Pass

ເມື່ອທ່ານສະໝັກໃຊ້ Play Pass, ທ່ານຈະໄດ້ຮັບຂໍ້ສະເໜີພິເສດສະເພາະໃນເກມຍອດນິຍົມທຸກໆເດືອນ ພ້ອມທັງແຄັດຕາລັອກເກມ ແລະ ແອັບທີ່ຫຼາຍກວ່າ 1,000 ລາຍການແຍກຕ່າງຫາກ. ໃນແຄັດຕາລັອກ, ລະບົບຈະເອົາໂຄສະນາທັງໝົດອອກ ແລະ ປົດລັອກການຊື້ໃນແອັບ ພ້ອມທັງປົດລັອກແອັບ ຫຼື ເກມຕ່າງໆແບບເສຍເງິນທັງໝົດ.

ແຄັດຕາລັອກຂອງພວກເຮົາມີເກມ ແລະ ແອັບກວ່າ 1,000 ລາຍການ. ຮວມເກມ ແລະ ແອັບແບບເສຍເງິນໄວ້ໂດຍບໍ່ມີຄ່າໃຊ້ຈ່າຍເພີ່ມເຕີມ. ສຳລັບເກມ ແລະ ແອັບທັງໝົດໃນແຄັດຕາລັອກ Play Pass, ລະບົບຈະເອົາໂຄສະນາອອກ ແລະ ປົດລັອກການຊື້ໃນແອັບທັງໝົດ. ຜູ້ສະໝັກໃຊ້ສາມາດຊອກຫາເກມ ແລະ ແອັບເຫຼົ່ານີ້ໄດ້ໃນພາກສ່ວນ Play Pass ຂອງແອັບ Play Store ຫຼື ຊອກຫາປ້າຍ Play Pass ຢູ່ແອັບ ຫຼື ເກມຕ່າງໆໃນ Google Play.

ຜູ້ສະໝັກໃຊ້ຈະໄດ້ຮັບຂໍ້ສະເໜີລາຍອາທິດໃນເກມຍອດນິຍົມທີ່ກຳນົດເຊິ່ງບໍ່ໄດ້ຢູ່ໃນແຄັດຕາລັອກຂອງ Play Pass. ຂໍ້ສະເໜີພິເສດສະເພາະເຫຼົ່ານີ້ສາມາດໃຊ້ເປັນສ່ວນຫຼຸດໃນເກມ ຫຼື ຂໍ້ສະເໜີສຳລັບໄອເທັມໃນເກມທີ່ສະເພາະເຈາະຈົງໄດ້. ຂໍ້ສະເໜີບໍ່ສາມາດໃຊ້ໄດ້ໃນລະຫວ່າງການທົດລອງໃຊ້ ຫຼື ສຳລັບເກມໃນແຄັດຕາລັອກ Play Pass. ໂດຍຈະຕ້ອງແລກສິດຂໍ້ສະເໜີຜ່ານວິທີການຈ່າຍເງິນຂອງ Google Play Billing.

ຫາກທ່ານມີເກມ ຫຼື ແອັບໃດກໍຕາມທີ່ຢູ່ໃນແຄັດຕາລັອກ Play Pass, ລະບົບຈະເອົາໂຄສະນາທັງໝົດອອກ ແລະ ປົດລັອກການຊື້ໃນແອັບທັງໝົດ.

ດ້ວຍຫ້ອງສະໝຸດຄອບຄົວ, ຜູ້ຈັດການຄອບຄົວສາມາດແບ່ງປັນສິດເຂົ້າເຖິງ Play Pass ກັບສະມາຊິກຄອບຄົວໄດ້ສູງສຸດ 5 ຄົນໂດຍບໍ່ມີຄ່າໃຊ້ຈ່າຍ. ສະມາຊິກຄອບຄົວຈຳເປັນຈະຕ້ອງເປີດນຳໃຊ້ Play Pass ໃນບັນຊີຂອງເຂົາເຈົ້າ. ຂໍ້ສະເໜີລາຍເດືອນ ແລະ ສິດທິປະໂຫຍດອື່ນໆມີໄວ້ສຳລັບຜູ້ຈັດການຄອບຄົວເທົ່ານັ້ນ.